Primavera
Giovanni Barrella Milano 1884 /1967
Vilan...prepara i
boeu!... E' finii de pioeuv,
te speccia la
scilòria in la
campagna,
pientada in del terren che gh'è de smoeuv...
Torna el bel temp... se s'ciara la montagna,
e, in l'aria netta, che la par lavada
compar el sô!...Comincia la giornada !
Va innanz...scasciga
i boeu che gh'hann la fiacca
e la toa strada fà, che te pertocca...
saluda el Tògn postin cont ona pacca,
dagh 'na rugada al
bàgol, dentr'in bocca,
e guarda la campagna masarada,
che la sberlusa al sol, imbrillantada !
La terra, la par lì mezz'indormenta,
ma l'è tutta on surbuj... tutta on germoeuj:
L'è negra, lustra, prègna...invernighenta...
Là, in mezz al praa è giamò spontaa el trifoeuj,
e, in fond, tra 'l verd de l'erba, el ravetton
el sbatt di pennelad de giald limon.
Sui pobbi, trema i primm foeujett d'argent,
sui sces, gh'è giamò verd tutt el sambugh,
sui riv, sponta i violett a cent a cent,
sui piant, i gemm bauscen, pien de sugh,
e spetten domà 'l so, domà 'l calor,
per sparà foeura verd, a tutt i or.
In ciel và sù ona lòdola a sgolass
incontra 'l sol... e la se perd man man...
'Na rondina la vola giò, bass bass...
Canta el cucù in di bosch, lontan lontan
e ona ranètta verda per la voeuja
la s'ciòppa de cantà sora ona foeuja.
La canta la ranètta innamorada
la soa canzon d'amor...rispond el grì...
poeu tacca el merlo a dagh 'na ziffolada...
On re de sces el passa e el fa "crì...cri..."
e, on vitellin de latt, visin a la stalla,
el salta sui sò pè, come ona balla.
Ecco el tò loeugh, vilan... coi sò
moron,
in fila drizz, 'me tanti soldaritt...
chì, te de arà, per mett el formenton.
Và innanz... oh, tira, boeu... oh, tira, dritt...
Sprofonda dent i pee in la terra nera,
bisògna dagh adree...l'è primavera !
L'è primavera bella, che la riva,
cont el profumm di bosch... coi sò grì,grì,
col frèsch di fontanitt d'acqua sorgiva
l'è primavera che se fà sentì,
con quell'odor de vitta e terra grassa,
che ven, portaa dal vent, sù de la bassa.
El ferr el va giò sòtta... el sfonda dent...
la terra la se slabbra e la corr via
come fà l'acqua, sòtta el bastiment...
i boeu donden la testa in compagnia
e vann sù e giò tran tran, finna a la sera,
tant lor, la senten nò, la primavera...
Ma la cavalla, sòtta al biroccin
che passa in su la strada incatramada,
la gh'ha come quajcòss in del
crappin,
la sbròffa, la
sguagniss...l'è infolarmada,
la fa de matt...la gh'ha l'umor cattiv,
par che la gh'abbia adòss l'argento viv...
Ma i galettitt, su l'era, fann la guerra,
quajcòss ghe comanda de
inzigass...
se curen in di oeucc, tutt terra terra…
poeu, scatten come mòll...voeuren picass,
e i passaritt, sul tecc... in passerera,
hinn in ferment anlor...l'è primavera !
Finna l'asnin ligaa dedree al
restell,
l'è smòrbi...irrequiètt...el picca, el trà,
el gh'ha anca lù quajcoss, tra pèll e pèll,
el fa di vers de l'ira...el voeur cantà...
Cert ! El saluda anlù, a la soa manera,
el sol, la vitta, el ciel... la primavera !
Canta anca tì, o villan...sù bell...dagh dent...
La terra la se slabbra e la corr via,
come fà l'acqua, sòtta al bastiment...
i boeu donden la testa in compagnia,
e vann sù e giò, tran tran, finna a la sera,
tant lor, la senten nò, la primavera...
Ma, intorna a lor, dal pian, finna ai montagn,
per i sces, per i rìv, per i scarpad...
in di bosch...per i praa... per i campagn...
in del brugh... in la tèppa... in di gabbàd...
l'è tutt on moviment...on
gibileri...
on incrosass de vos, pien de misteri.
L'è tutt on trepilà che giuga sòtta,
e par ch'el vegna sù, fin di radìs...
l'è on non so che per l'aria... l'è on nagòtta,
che dalla terra el monta in Paradis...
l'è on'emozion... l'è on brivid...l'è on torment
'na sofferenza...on mond...l'è tutt, l'è nient...
L'è on'onda, che te inonda d'acqua ciara,
l'è on boff... on vent... ona tempesta... on tron,
l'è on sfrìs...on sghiribizz...l'è ona fanfara...
l'è 'l son de festa de on gran campanon,
ch'el batt e ch'el ribatt, a tutt i or,
Amor... Amor... Amor... Amor... Amor !
L'Ave Maria !... 'me tarda a vegnì sera !
La s'è incantada anlee...L'è Primavera !
Villano, prepara i buoi. Ha
smesso di piovere,
ti attende l'aratro nella campagna,
piantato nel terreno che devi smuovere...
Torna il bel tempo... si rischiara la montagna,
e, nell'aria pulita, che sembra lavata
compare il sole !... Incomincia la giornata.
Va
avanti pungola i buoi
che battono la fiacca,
e fa la strada che ti tocca fare...
Saluta l'Antonio, postino, con una pacca
dà una rimestata al forno della pipa che tieni in bocca,
e guarda la campagna fradicia d'acqua,
che splende al sole, imbrillantata!
La terra sembra quasi
addormentata,
ma è tutta un fermento..., tutta un germoglio:
E' nera, lucida, gravida... rosso acceso...
Là, in mezzo ai prati, è già spuntato il trifoglio,
e, sul fondo, tra il verde dell'erba, il ravizzone,
sbatte di pennellate giallo limone.
Sui pioppi ,tremano le prime
foglioline d'argento,
sulle siepi è già verde tutto il sambuco,
sulle rive spuntano le violette, a cento a cento,
sulle piante le gemme fanno bava piene di succo,
e aspettano solo il sole e il calore,
per sparar fuori verde a tutte le ore.
In cielo sale un'allodola a
sgolarsi
incontro al sole, e scompare man mano...
Una rondine vola radente il suolo...
Canta il cuculo nei boschi lontano lontano
e una raganella per la voglia,
scoppia dal cantare sopra una foglia.
Canta la ranetta innamorata
la sua canzone d'amore... risponde il grillo...
poi comincia il merlo a fare una fischiata...
Uno scricciolo passa e fa " crì...crì..."
e un vitellino di latte, vicino alla stalla,
salta sui suoi piedi, come una palla.
Ecco il tuo
podere,
villano... coi suoi gelsi,
in fila dritti, come tanti soldatini.
qui, devi arare per seminare il granoturco.
Vai avanti... oh, tira bue, oh, tira, diritto ...
Affonda i piedi nella terra nera,
bisogna far presto... è primavera !
E' la primavera bella, che
arriva,
col profumo dei boschi... coi suoi grilli,
col fresco dei fontanili d'acqua sorgiva
è la primavera che si fa sentire,
con quell'odore di vita e terra grassa,
che viene, portato dal vento, su dalla bassa.
Il ferro va giù sotto... e
sprofonda dentro...
la terra si slabbra e corre via
come fa l'acqua, sotto il bastimento...
i buoi dondolano la testa in compagnia
e vanno su e giù monotonamente, fino alla sera,
tanto loro non la sentono la primavera...
Ma la cavalla, sotto al calessino
che passa sulla strada asfaltata,
ha come qualcosa nella testolina,
Spruzza schiuma, geme, è agitata,
fa la matta... è di umore cattivo,
sembra che abbia addosso l'argento vivo...
Ma i galletti, sull'aia,
fanno la guerra,
qualcosa comanda loro di stuzzicarsi...
si fissano negli occhi, terra terra...
poi scattano come molle... vogliono picchiarsi,
e i passeri, sul tetto, in colombaia,
sono in fermento anche loro... è primavera!
Perfino l'asinello, legato
dietro al cancello,
è svogliato... irrequieto... scalcia,
ha anche lui qualcosa, tra pelle e pelle,
fa grida acutissime... vuol cantare...
Certo! Saluta anche lui, alla sua maniera,
il sole, la vita, il cielo... la primavera!
Canta pure tu,
o villano...
su bello... dacci
dentro...
La terra si slabbra e corre via,
come fa l'acqua, sotto il bastimento...
i buoi dondolano la testa in compagnia,
e vanno su e giù, placidamente, fino a sera,
tanto loro non la sentono la primavera...
Ma intorno a loro, dal piano,
fino alle montagne,
per le siepi, per le rive, per le scarpate...
nei boschi... per i prati... per le campagne...
nell'erica... nel muschio... nei filari di piante...
è tutto un movimento....un baccano...
un incrociarsi di voci, piene di mistero.
E' tutta una trepidazione che gioca sotto,
e pare affiori fin dalle radici...
E' un non so ché nell'aria... è un niente,
che dalla terra sale in Paradiso...
è un'emozione... è un brivido... è un tormento
una sofferenza....un mondo... è tutto, è niente...
E' un onda che ti inonda d'acqua chiara,
è un soffio ... un vento... una tempesta... un tuono,
è una scalfittura... un ghiribizzo... è una fanfara...
è il suonare a festa di un campanone,
che batte e che ribatte , a tutte le ore,
Amore... Amore... Amore... Amore... Amore !
L'Ave Maria ! ... Come tarda a venire la sera !
Si è incantata anche lei... E' primavera!