|
Autore -
Pier Gildo Bianchi - Medico, Poeta e Scrittore.
|
|||
|
« T'hee vist che sont rivada al moment giust per fatt 'n'improvvisada ? » La se ferma on trattin in su la pòrta, la rid pròppi de gust: poeu la se lassa andà su la cadrega de cusinna - on poo smòrta - cont in brasc la soa spòrta.
Cara nonnetta... La se accòrg, intant, che mi sont lì a speccià che la spiega el perché de sta visita al nevod (stravagant, sessant'ann, ormai pien de malann): « Sont vegnuda per via de quij tortej... »
Mò capissi: acqua, zuccher e farina e sbatt e mes'cià tutt dent in d'ona tazzinna, intrattanta che 'l strutt el deslengua sul foeugh in la padella.
E a la fin, 'me in d'on gioeugh, foeura 'l cuggiaa con ona nôs de pasta, che la ven sgonfia e bella e pian pian la s'indòra, sott'ai oeucc entusiasta.
Entusiasta ancamò, come quand s'era on fioeu che ghe rivavi no a sberluggià in sul tavol de cusinna, ma in quel profumm de bon credevi de robà de nascondon el secrètt de la vita pussee finna e al temp istees de tutt'i sò promess.
I tortej della nònna: quell bombon convenient e sincer; ròbba de brava gent sueffada a contentass de sò biccer e, poeu, squasi de nient. Aria però de festa, de bondanza se spantega in la stanza insèmma col savor de la frittura leggera e delicada... Tutta ròbba, oramai, desmentegada !
Ma, stanòtt, la nonnetta l'è tornada cont i sò scartosciej per famm l'improvvisada di tortej. On salt indree in di ann, in d'on temp senza cruzzi e senz'affann, Che legrìa, tra nun, in la cusinna e che s'cioppon de rid e che memòri ! Inveci de fermamm a cinquantalla, ghe voo arent per vutalla: vesin al foeugh ghe branchi la tazzinna che la me borla in terra che frecass... ......................................................................... Che peccaa dessedass ! |
|
« Hai visto che sono arrivata al momento giusto per farti un'improvvisata ? » Si ferma un pochino sulla porta, ride proprio di gusto poi si lascia andare sulla sedia di cucina - un po' pallida - con in braccio la sua sporta.
Cara nonnetta... Si accorge, intanto, che io sono lì ad aspettare che mi spieghi il perché di questa visita al nipote (stravagante, sessant'anni, ormai pieno di malanni). « Sono venuta per via di quelle frittelle...»
Ora capisco: acqua, zucchero e farina sbattere e mischiare tutto dentro una tazzina, intanto che lo strutto si liquefa sul fuoco dentro la padella.
E alla fine come in un gioco, togli il cucchiaio con una noce di pasta, che viene gonfia e bella e piano piano s'indora, sotto gli occhi entusiasti.
Entusiasta ancora, come quando ero un bambino che non arrivavo a sbirciare sul tavolo di cucina, ma in quel profumo di buono credevo di rubare di nascosto il segreto della vita più piena e al tempo stesso di tutte le sue promesse.
Le frittelle della nonna : quel dolce conveniente e naturale (sincero) roba da brava gente abituata ad accontentarsi del proprio bicchiere e, poi, quasi di niente. Aria però di festa, di abbondanza si diffonde nella stanza assieme al profumo della frittura leggera e delicata... Tutta roba, ormai, dimenticata !
Ma, stanotte, la nonnetta è tornata con i suoi piccoli cartocci per farmi l'improvvisata delle frittelle. Un salto indietro negli anni, in un tempo senza crucci e senza affanni. Che allegria, tra noi, nella cucina che scoppi di risa e che ricordi! Invece di fermarmi ad indugiare le vado vicino per aiutarla: vicino al fuoco le prendo la tazzina che mi cade per terra che fracasso... ............................................................................................ Che peccato svegliarsi!
|
|
I tortej