|
Gh'è
chì la primavera
Testo della poetessa milanese - ADA LAUZI
|
||
|
L’hoo vista stamattina sul
poggioeu quand hoo dervii i finester: cantava el rossignoeu, cippava el passarin, intant che duu pivion beccaven di freguj sóra on tombin… L’è s’cioppada sui ramm e sóra i sces, sui piant del mè giardin vestii de sô, de rosa e de biancor, l’è s’ciopada sui tecc; on butt, in d’on tollin,l’ha miss dò foeuj, e germoeuj e germoeuj de vita noeuva… Per strada, ona tosetta de man al sò gin-gin, l’ha faa la prima proeuva d’on basin, che meraviglia! Denter ona conchiglia, in "gestazion" quaicoss che va dree a cress e appress el nassarà o mas’c o tósa… magari in piena estaa… L’è primavera, fiàden i ortesei tutt verd e pettenaa… insalatina fresca, ravanei, content de vess cattaa… L’e primavera fin dedree di uss: se netta, se pittura, se guarniuss, e la resgióra, per no vess de men, la truscia col guarneri: scossaritt de slongà, la muda del resgiô … e pagn d’inverno, foeura, a ciappà ‘l sô Te siet la benvegnuda o benedetta, splendida stagion, per quei che t’hann spettaa, per quei che al tò rivà, in fond al coeur, se senten pussee bon ! |
L’ho vista stamattina sul
balcone quando ho aperto le finestre: cantava l’usignolo, cinguettava l’uccellino, mentre due piccioni beccavano delle briciole sopra un tombino… E’ scoppiata sui rami e sopra le siepi, sugli alberi del mio giardino vestiti di sole, di rosa e di biancore, è scoppiata sui tetti; un germoglio, in una latta, ha messo due foglie, e germogli e germogli di vita nuova… Per strada, una ragazzina per mano al suo innamorato, ha fatto la prima prova di un bacino, che meraviglia! Dentro una conchiglia, in "gestazione" qualcosa continua a crescere e presto nascerà o maschio o femmina… magari in piena estate… E’ primavera, respirano gli orticelli tutti verdi e pettinati… insalatina fresca, rapanelli, contenti di essere raccolti… E’ primavera fin dietro gli usci: si pulisce, si tinteggia, si ripone, e l’anziana (di casa) per non essere da meno, si affaccenda con (gli abiti del) l’armadio: grembiulini da allungare, cambio d’abiti del capofamiglia… e i panni invernali, fuori al sole. Sii la benvenuta o benedetta, splendida stagione, per coloro che ti hanno aspettata, per quelli che al tuo arrivo, in fondo al cuore, si sentono più buoni!
|
|
